ინფორმაცია აქციონერთა წლიური (მორიგი) საერთო კრების მოწვევის შესახებ
14 ივნისი, 2022
სს „მიკროსაფინანსო ორგანიზაცია მიკრო ბიზნეს კაპიტალი“-ს (ს/კ404967078)
აქციონერთა წლიური (მორიგი) საერთო კრების მოწვევის შესახებ
აქციონერთა წლიური (მორიგი) საერთო კრება მოწვეულია სს „მიკროსაფინანსო ორგანიზაცია მიკრო ბიზნეს კაპიტალი“-ს მიერ;
საზოგადოების საიდენტიფიკაციო კოდი - 404967078;
საზოგადოების იურიდიული მისამართი: საქართველო, თბილისი, ისნის რაიონი, ქეთევან დედოფლის გამზირი, N68, სართული N1, საოფისე ფართი N2;
კრების ჩატარების ადგილი, თარიღი და დრო: კრება ჩატარდება 2022 წლის 7 ივლისს, 15:00 საათზე, შემდეგ მისამართზე - შოთა რუსთაველის #29, 0108 თბილისი, საქართველო (სასტუმრო „ბილტმორი“);
აქციონერთა სააღრიცხვო დღე: 2022 წლის 1 ივლისი (აქციონერთა მორიგ საერთო კრებაში მონაწილეობის და ხმის მიცემის უფლება აქვთ მხოლოდ იმ პირებს, რომლებიც სააღრიცხვო დღეს აქციონერებად ირიცხებიან).
აქციონერთა კრების დღის წესრიგი:
საზოგადოების 2021 წლის წლიური აუდიტირებული ფინანსური ანგარიშის დამტკიცება;
2021 წლის ფინანსური შედეგების დამტკიცება და საზოგადოების ჩვეულებრივ აქციებზე დივიდენდის გაცემის საკითხის გადაწყვეტა;
საზოგადოების პრივილეგირებულ აქციებზე 2021 წლის საბოლოო დივიდენდის გაცემის საკითხის გადაწყვეტა;
მეწარმეთა შესახებ ახალი კანონის ამოქმედებიდან გამომდინარე, საზოგადოების წესდების კანონთან შესაბამისობაში მოყვანის მიზნით, საზოგადოების წესდებაში ცვლილებებისა და დამატებების შეტანა და აღნიშნულის გათვალისწინებით, წესდების ახალი რედაქციის დამტკიცება;
მეწარმეთა შესახებ ახალი კანონის მოთხოვნებიდან გამომდინარე, გენერალური დირექტორის სამეთვალყურეო საბჭოს შემადგენლობიდან გასვლის შესახებ განცხადების დადასტურება.
კაპიტალის სულ მცირე 5 პროცენტის მფლობელ აქციონერს/აქციონერთა ჯგუფს უფლება აქვს, საერთო კრების ჩატარების თარიღამდე 14 დღით ადრე წერილობით მიმართოს საზოგადოების დირექტორატს და:
- მოითხოვოს საერთო კრების დღის წესრიგში საკითხების დამატება და თითოეულ საკითხს დაურთოს შესაბამისი დასაბუთება ან მისაღები გადაწყვეტილების პროექტი;
- წარადგინოს საერთო კრების დღის წესრიგით გათვალისწინებულ ან გასათვალისწინებელ საკითხებზე მისაღები გადაწყვეტილებების პროექტები და დასაბუთება.
სხდომაზე დამსწრე აქციონერთა რეგისტრაცია იწარმოებს კრების ჩატარების ადგილზე;
აქციონერს საერთო კრებაში მონაწილეობისა და ხმის მიცემის უფლების განხორციელება შეუძლია როგორც პირადად, ისე წარმომადგენლის მეშვეობით.
წინამდებარე ინფორმაცია კრების მოწვევის შესახებ, გამოქვეყნებულია მარეგისტრირებელი ორგანოს ელექტრონულ პორტალზე და საზოგადოების ვებ-გვერდზე;
ასევე, წინამდებარე ინფორმაცია წესდების ახალ რედაქციასთან და სხვა დასამტკიცებელი დოკუმენტების პროექტებთან ერთად, გენერალური დირექტორის მიერ გაგზავნილია ყველა აქციონერისათვის პირადად, ელ. ფოსტის მეშვეობით.